Оюутан цагийн андууд минь

Нар буцаж навч шаржигнасан
Намар цагаар найман зовхисоос
Нутгийнхаа овоонд чулуу өргөж 
Нийтийн тээврээр их хотод хөл тавьцгаасансан

Цагийн зүү дэлхийн тэнхлэг шиг алгуухан эргэсээр
Түүхийн хуудас шиг шарлаж үлдсэн дөрвөн жил
Уншиж дуусгаагүй сурвалж бичгүүд
Түүхээр овоглосон бидний
Урагшлах замын түүчээ байлаа

Салан одсон гурван хавар
Санагалзаж уулзсан гурван намар
Нэгнээ гэх итгэлийг, нэгнээ үгүйлэх сэтгэлийг
Хос багана шиг холбожээ

Хошигнож ярих хөгтэй явдлууд
Хөөрч догдолсон баярт мөчүүд
Алдаж эндсэн гэнэн дурсамжууд
Хайзахад минь түших андууд
Халтирхад минь дэгээдэхгүй нөхдүүд

Цуйван идсэн оюутнууд
Цуглаж хийсэн II судалгаа
Сархад шимсэн андууд
Ном шагайсан нөхдүүд
Хоорондоо атаархсан охидууд
Дурлаж ханадаггүй залуус
Хайраа олсон харцуул
Их сургуулийн амьдрал
Их амьдралын түшиг андууд минь