Эр хүний хэмжүүр

Эргэх хорвоогийн өнгөнд
Амьдрал хэмээх алханд
Ган болтлоо давтагдаж 
Гунигийн нулимсаа дотогшоо залгиж явдаг
Эр хүний ноён нурууг
Эргүү тэнэгүүд хэмждэггүй юм

Зовлон гунигаа хуваалцаж нөхөрлөсөн
Зуурдын биш үүрдийн андын сэтгэлийг
Уусан архины хундгаар хэмждэггүй
Унахад минь дэмнээд босгох итгэлээр хэмждэг юм

Хувь тавилангаа холбож ураг зангидсан
Ханийн үнэнч сэтгэлийг
Хүссэн бүхний чинь авч өгөх
Хөрөнгө мөнгөөр хэмждэггүй
Халамж дүүрэн харцаар нь хэмждэг юм

Эр хүнийг өндөр намаар нь хэмждэггүй
Зүс царай, өмссөн зүүснээр нь ч хэмждэггүй юм
Эрдэм чадал, хүсэл тэмүүллээр нь
Зорьсондоо хүрэх зориг зүрхээр нь хэмждэг юм