Хүний бүсгүйд

Зүрх гэдэг бодолгүй

Дурлал гэдэг залуургүй

Заяа тавьлан надаар тохуурхаж

Даанч бүтэхгүй дурлалтай учруулжээ

Ягаахан уруул

Ялдамхан бие

Сайхан харц

Савхан хуруу нь бүгд эзэнтэй

Ягаахан уруулыг нь янагийн сэтгэлээр хань нь озно

Ягаахан уруулаараа ялдамхан үрээ үнсэнэ

Савхан нарийн хурууг нь сайн хань нэг атгана

Сайхан үр нь бас нэг атгана

Санаандгүй яваад би үрийн эх, эрийн хань

Бүсгүй чамд дурлачихаж

Хоосон хооронд орж

Хов хутгах бодолгүй

Хайрын дундуур орж

Хана босгох сэтгэлгүй болохоор

Өөрөө л зүрхэндээ хайрлаад явахад

Өнөөдөр биш ч маргааш гэхэд мартах биз ээ.