Алдар нэрээ мөнхлөхсөн

Боржигоны бор талд тоглож өссөн

Бавуу гуайн хүү шиг

Бодол санаандаа гэгээрсэн будда бурхан шиг

Болохгүй цагт төрөөд

Боогдож явсан Нацаг гуай шиг

Алдхан энэ биеэ мөнхөлж чадахгүй ч

Аав ээжээс заяасан алдар нэрээ мөнхлөхсөн

Дөрөө харшуулж өссөн

Дэлгэр баян нутгийнхаа

Их усны гольдрол

Их гүн нуур шигээ

Энэ Монгол улсынхаа

Энгүй уудам тал шигээ

Насанд минь дуудагдах

Нандин нэрээ мөнхлөхсөн

Өвөр дээр нь тоглож өссөн

Өвөөгийнхөө саруул оюун шиг

Цэлэлзсэн их далай шиг

Цэлмийсэн хөх тэнгэр шигээ

Эрээн бараан хорвоогийн

Энхэл донхол нугачаанд энэ л нэрээ

Эрин зуунд мөнхлөхсөн