Хөлд орж хөдсөнд хөлбөрч явсан
Хархан бага насандаа
Буруу бүхнийг минь цацлаарай цайруулсан
Бурхан ижийдээ
Алдаа бүхнийг минь санааширлаарай зэмлэсэн
Буянтай аавдаа
Хүү намайгаа Алдаж адгийн муугаар хэлэгдэж байсан ч
Аав минь алгаа тосож хүүгээ угтана
Хүү намайгаа Эндэж эрлэгийн үүдэнд очсон ч
Ээж минь хөхөөрөө хурайлж дуудна
Хорвоотой танилцаж
Хээнцэр дэгжин охид, бүсгүйчүүдээс
Хайртай гэдэг үгийг харамлаагүй мөртлөө
Хайрлах ёстой хоёр хүндээ би
Хайртай гэж тэр болгон хэлдэг билүү
Хүн болгосонд нь баярлалаа гэж
Хөөрхий тэднийгээ сэтгэл зүрхнээсээ тэвэрдэг билүү
0 comments:
Post a Comment