Танихгүй танилдаа

Танихгүй танил та

Дээдсийг асуувал дэлхийгээс асуу

Даварч цалгиж явсан их  хаад гээд хэлээд өгнө

Би Чингисийн хойчис

Танихгүй танил та

Эх орныг минь асуувал харийнхнаас асуу

Энгүй уудам талтай, эрхгүй хөх тэнгэртэй Монгол гээд хэлээд өгнө

Би Монголын иргэн

Танихгүй танил та

Унасан нутгийг минь асуувал эх орон нэгтнүүдээс минь асуу

Ухаант зохиолч, алдарт боксчны нутаг гээд хэлээд өгнө

Би Гүн галуутайн хүү

Танихгүй танил та

Нэрийг нь асуувал надаас л асуу

Намайг хэнч танихгүй ээ

Танихгүй танил танд өөрийгөө танилцуулья

Би

Бахархалт түүхийн хэлтэрхий

Баялаг монголын эмтэрхий

Өнгөрснөөрөө бахархаж, бардамнах дуртай

Өөрийн гэсэн бүтээсэн зүйлгүй

Өнөөдрөөсөө маргаашруу зорьж яваа

Өрөвдөлтэй нэгэн ...